اذا كنت تريد شراء هاتف مستعمل..شلون راح تختاره ..فووتوا هنا انا اكلكم

مرحبا .......................... اذا كنت تريد شراء هاتف مستعمل..شلون راح تختاره ..فووتوا هنا انا اكلكم S(23)

اذا رحت لمحل موبايل وكنت اتريد شراء موبايل مستعمل شلون راح تعرف هل لهاتف جيد او لا وانت ماعندك ثقه بصاحب المحل انا اكلك شلون ... راح اذكر بعض الملاحظات المهمه

اولا واهم خطوه هي ان نفتح الكفر (الغطاء) مالت الموبايل ونشوف البراغي مالته ..طبعا براغي الموبايل اكثرها سوداء فاذا انفتحت راح تتزلغ وهذا دليل على ان الموبايل مفتوح وهذا يعني ان احتمال كبير ان الموبايل قد تم تصليحه وهذا راح اينزل من السعر مالته

واذا ماكدرنه نفتح الموبايل انحاول ننضر الى اطراف الموبايل هل هناك اثر للفتح للفتح

ثانيا شلون راح انقدر سعر الموبايل....طبعا التقدير حسب نضافة الموبايل لكن اكو اشياء اذا كانت موجوده راح اتزيد من السعر واذا كانت مموجوده راح تنزل من السعر وهي

الكفر الاصلي للموبايل
الباكيت مالته
الشاحنه الاصليه
اذا كان يحتوي على ميموري كارد
اذا كان يحتوي هيدفون(سماعه)
البطاريه الاصليه

ثانيا سنة الصنع من المهم ان نتاكد من سنة الصنع مالت الموبايل ... وانت لازم اتقدر الموبايل بالنسبه للسعر مثلا 6600 الدب الي مصنوع في 2004 احسن من الدب المصنوع في 2006 وهذا يفرق في السعر وهكذا

اذا توفر هذه الاشياء مع الموبايل تزيد من سعره وكذلك عدم وجودها راح ايقلل من السعر ..لكن بشكل عام اذا كانت كل الاكسسورات موجوده واصليه الجهاز كان نضيف انحاول ان نسقط من سعر الجديد ب60 الى 50 دولار
مثلا 7610 الدمعه اذا كان الجديد مالته ب250 دولار مثلا وشفنه واحد مستعمل نضافته جيده وكامل مع جميع اغراضه نقدر انسعره ب 190 دولار
واذا كان ناقص مثلا مابيه باكيت انقدره ب 180 دولار وهكذا
طبعا اسعار الموبايلات مو ثابته بالنسبه للتقدير وبشكل اوضح يعني سعر النوكيا لمستعمل احسن من السوني اركسون او الموتوريلا
لان النوكيا مرغوب اكثر في البيع والشراء .. ويمكن تصليحه ببساطه لكن السوني او الموتوريلا وباقي الانواع لايمكن ان نقول اها مو زينه بالعكس كلها هواتف زينه لكن تصليحها معقد شوي

ثالثا نحاول البحث في اكثر من محل ومنستعجل لان اكثر الهواتف المستعمله مو امينه وخاصه اصحاب المحلات ياخذوها بسعر رخيص
رابعا بعد ماشفنا الجهاز المناسب شلون راح نفحصه .....وهاي اهم خطوه

1-نفحص الشحن مالته ونحاول ان نبقيه على الشحن لفتره وبعدين انرفعه من الشحن ونشوف هل تغير مستوى الشحن وهذا يدل ان الجهاز تقبل الشحن
لان اكو موبايلات تتحفز للشحن لكن من انرفعه من الشحن مراح يتغير مستوى الشحن وهذا عطل قاتل ميتصلح في UEM
2-انشغل اغنيه او اي نغمه ونحاول انخلي التلفون قريب من اذنه ونسمع هل الصوت نقي يمكن اتكون السماعه بيها عطل وتنطي صوت واضح
3-نتصل بالموبايل ونشوف الشبكه ثابته لو لا .... وهذه النقطه مهمه
4-انطفي لموبايل ونشغله ونشوف سرعته بالتشغبل هل هي جيده
5-نسال البائع ان كان بيه رقم سري
6-انشوف الرام مالته ونتاكد انه مابيه رقم سري....اذا بيه رمز ومتعرفه معناه انه مراح يفتح على الكومبيوتر
7-نحاول الضغط على جميع الازرار والتاكد من انها تعمل بشكل جيد

خامسا النضر الى الشاشه بشكل جيد ونتاكد من خلوها من الكسور او اذا كان لونها باهت او خفيف..

سادسا يجب تقدير سعر الهاتف مقارنتا مع الجديد اذا كان الفرق قليل يعني متسوه اخذ مستعمل لكن اذا كان الفرق كبير يستاهل

سابعا شلون راح انفضل بين الاجهزه ..يعني المميزات بين جهاز واخر
1-الكاميرا وقوته
2-حجم الرام اذا كان بيه رام
3-ارتفاع ونقاوة الصوت
4-حجم الشاشه ووضوحها
5-حجم الهاتف
6-التقنيات الي يتميز فيها
7-هل له برامج بالاسواق
8- هل له قطع غيار
9- هل له اكسسوارت

ثامنا شلون راح نعرف ان هذا الجهاز مرغوب بالشراء والتصليح مثلا انا اكلكم
الاجهزه الي تحتوي على كونكشنات واقصد مفاصل للفتح او الفر وعلى سبيل المثال 3250 او N93
فالجهاز الي يحتوي كونكشن من الصعب فتحه وتصليحه واكلكم مثل ثاني اذا طاح منك جهازك وكان N93
متكلي يامصلح راح ايفتحه الك ويبدك الكفر مالته هاي اذا لكيت كفر
لكن اذا كان N70 ونكسر كبل تركض للسوق اتجيب كفر وتجي واحتمال كبير انت راح اتبدل الكفر لسولة الفتح والشد

انا طولتها عليكم
انت راح تسال نفسك كم من الوقت يمكن ان تستغرق كل هاي الاشياء وانا اكلك هاي الفحوصات متاخذ اكثر من 10 دقائق

واي سؤال او استفسار عن شي ممفهوم انا جاهز

مع تحياتي

انتضر ردودك حبايب